Murtal ko moftannde gimɗi ɗi no yewta fii caɗeele ngurndan e hareeji hakkunde ɓurduɓe. Njaggu ngu ardiigu ɓanngini e yimɓe ardaaɓe e nder ɗii duuɓi gantinji. Gimɗi ɗin no seeditoo tooñe mallaaɗe e hayrere sukaaɓe majjaaɓe aroore.
Murtal no ɓanngini fergu guuwe sukaaɓe ɓe tama’u lanniri. Seppooɓe tiindoo jeerennde e maaje ndarndagol si hummbay maa si lummbay.
Murtal ko haacaango on murtuɗo dartorɗo yarlital fii yo ñiiɓu goonga e nunɗal e nder Hawtaandi kafu maamaaɓe ardiiɓe. Ko fahin hollitannde suno e ninse gay mbawdi.
Murtal ko fijirde konnguɗi, ko gimɗi saliiɗi ɗoftagol etoodi e yuɓɓoodi winndiyankooɓe  gila fewndo alsilamaaku.